Eftir að hafa byrjað formlega í boltanum í síðasta mánuði þá tók Daði Steinn þátt í sína fyrsta móti í dag, Arion-bankamótið í Víkinni. 8. flokkur hjá ÍR svona til að halda því til haga. Ég var að gæla við það að hann gæti notað búninginn hans Loga en vitaskuld var það ekki tekið í mál. Það var því haldið til Braga í Leiksport og verslað eitt stykki búningasett. Logi kom með og þegar umræðan um hvaða númer átti að setja á þá vildi Daði vera númer 17, eins og Logi. Logi tók það hinsvegar ekki í mál og niðurstaðan varð númer 11, eins og Neymar Jr.
Strákurinn stóð sig frábærlega vel á þessu móti, byrjaði að skora tvö mörk í fyrsta leiknum á móti Gróttu og eftir það var ekki litið til baka. Formlega voru ekki tekin saman nein úrslit en óformlega var ljóst að þeir unnu alla sína leiki.
 |
| Fyrsta markið á ferlinum í bígerð - með vinstri |
 |
| Yfirvegun á móti Blikunum |
Annars fannst mér hann góður þegar ég var að hrósa honum fyrir mótið og m.a. að hafa skorað 6 mörk í leikjunum 5. Hans svar við þessari tölfræði var einfaldlega þetta:
"Ég skoraði ekki 6 mörk í 5 leikum pabbi. Ég skoraði ekki í einum leiknum, þannig að ég skoraði 6 mörk í 4 leikjum."
Enn einn snillingurinn, svaðalega er maður ríkur.
 |
| Svakalegir tilburðir |
 |
| Á móti Grindavík |
 |
| Peppfundur á milli leikja með Helga þjálfara |
 |
| Flottir |
Engin ummæli:
Skrifa ummæli