mánudagur, febrúar 20, 2006

Logi Snær 2ja ára í dag



Yngri demanturinn er tveggja ára í dag. Rosalega er þetta fljótt að líða, mér finnst stutt síðan maður var staddur á fæðingardeildinni en það eru sem sagt tvö ár síðan. Var ansi skrautlegt því ljósmóðirin fullyrti á vissum tímapunkti að ég ætti bara að kíkja í næstu sjoppu og fá mér eitthvað að borða því þetta væri nú ekki alveg að fara að gerast. Karlinn röltir út og er á leiðinni í næstu byggingu þegar gemsinn hringir, ljósmóðirin í símanum og tjáir mér að nú sé allt að fara að gerast. Maður snérist náttúrulega bara á punktinum og tók sprettinn til baka. Ekki löngu seinna var lítill Logi mættur í heiminn. Þakka fyrir að ég var ekki að kjamsa á baunasalatsamloku einhversstaðar út í bæ á meðan.

Skilaboð dagsins eru einfaldlega: Njótið þess á meðan blessuð börnin eru svona lítil og sæt, því þessi tími verður farinn áður en við vitum af.

4 ummæli:

Nafnlaus sagði...

Til hamingju með drenginn litla... Hann er nú ljóshærður eins og uppáhaldsfrænka hans á vestfjörðum. Biðjum öll að heila honum
Kv. frá Súgandagenginu

Nafnlaus sagði...

Við sendum Loga Snæ innilegar hamingjuóskir með 2 ára afmælisdaginn. Kveðja Inga og Gunni

Nafnlaus sagði...

Til hamingju með það. Á svo ekkert að minnast á medalíuna?

Davíð Hansson Wíum sagði...

Átti í vandræðum með að koma bronstilfinningunni á prent, verð að vísa í síðuna þína og Vatnsberasíðuna fyrir þá sem vilja vita meira.